1 маусым-Халықаралық балаларды қорғау күні
Бүгін-балалардың асыға күтетін, ең сүйікті және көңілді мерекесі. «Қазақстан балалары» бағдарламасы аясында мектебіміздің оқушылары үшін ерекше мерекелік іс-шара ұйымдастырылды.
Балалар қала орталығындағы ойын-сауық аттракциондарына мініп, түрлі қызықты ойындарға қатысып, шексіз қуаныш пен жарқын әсерге бөленді. Мерекенің соңында барша балақайға тәтті балмұздақ таратылып, олар көтеріңкі көңіл-күймен үйлеріне оралды.
Осындай ерекше мереке сыйлаған ұйымдастырушыларға алғысымыз шексіз. Балалар-біздің болашағымыз, ал олардың қуанышы мен бақытты сәттері біз үшін ең басты құндылық болып табылады.
