2024 жылдың 10 маусымында Балалар шығармашылығы қалалық мектебі (БШҚМ) «Досыңа күлкі сыйла!» атты тренинг элементтерімен акция өткізді. Іс-шараға №15 жалпы білім беретін мектеп пен №28 мектеп-гимназиясының оқушылары қатысты.
Шараның негізгі мақсаты-балалардың өзара достық қарым-қатынасын нығайту, ұжымдық ойындар арқылы жағымды эмоция сыйлау және шығармашылық әлеуетін дамыту болды.
Акция барысында қатысушылар белсенділік танытып, барлық бекеттерде өздерін жақсы қырынан көрсетті. БШҚМ педагогтары балалармен танысу мақсатында түрлі сергіту және дамытушы ойындар ұйымдастырды. Соның бірі-«Қарлы кесек» ойыны. Бұл ойында әр бала өз есімінің алғашқы әрпінен басталатын көкөніс не жеміс атауын айтып, келесі қатысушы алдыңғысын қайталап жалғастырып отырады. Соңғы ойыншы барлық қатысушылардың есімдері мен айтылған сөздерді толық қайталап шығуы тиіс болды.
Келесі қызықты ойын-«Сақина арқылы». Бұл ойында командалар екі сапқа тұрып, қол ұстасқан күйде гимнастикалық шеңберді бірінен соң біріне өткізді. Ережеге сай, ешкім қолын босатпай, шеңберді саптың соңына дейін жеткізуі керек.
Шара балалардың көңіл-күйін көтеріп, бір-біріне жылы қарым-қатынас орнатуға, достықты нығайтуға бағытталды.
