«Егер қиын болса, қоңырау шалыңыз!» ақпараттық-түсіндіру акциясы өтті

№15 жалпы білім беретін мектепте 2024 жылдың қыркүйек айында «Егер қиын болса, қоңырау шалыңыз!» атты ақпараттық-түсіндіру акциясы ұйымдастырылды. Акцияның негізгі мақсатыөоқушыларға, ата-аналарға және мектеп ұжымына облыстық психологиялық қолдау орталығының қызметі туралы кеңінен ақпарат беру, сонымен қатар білім алушылардың психологиялық сауаттылығын арттыру болды. Іс-шара барысында қатысушыларға психологиялық көмек пен қолдаудың маңыздылығы түсіндіріліп, өмірлік қиын жағдайларда кімге және қалай жүгіну керектігі жөнінде нақты мәліметтер берілді. Сонымен бірге сенім телефондарының нөмірлері мен байланыс арналары таныстырылды. Акция аясында мектеп психологтары мен сынып жетекшілері оқушылар арасында әңгімелер, тренингтер және буклеттер тарату жұмыстарын жүргізді. Мұндай шаралар оқушылардың өз сезімдерін дұрыс түсініп, қажет сәтте көмек сұрауға ұялмауға тәрбиелейді. Жалпы алғанда, «Егер қиын болса, қоңырау шалыңыз!» акциясы – мектеп қауымдастығы арасында психологиялық мәдениетті қалыптастыруға, өзара түсіністік пен қолдау ортасын нығайтуға бағытталған маңызды бастама болды.