8 наурыз Халықаралық әйелдер күніне орай мектебімізде «Әйел әлемнің шуағы» атты мерекелік концерт ұйымдастырылды. Іс-шараға ұстаздар қауымы мен техникалық қызметкерлер қатысып, ерекше көңіл күй сыйлаған өнер бағдарламасын тамашалады. Концерт барысында оқушылар мен шығармашылық ұжымдар ән айтып, би билеп, көркем сөздер оқып, әйелдерге деген құрмет пен алғыстарын білдірді. Мектеп әкімшілігі ұжымды құттықтап, білім беру ісіндегі еңбектері мен жан жылуларын бағалап, жылы лебіздер жолдады. Құрметті әріптестер, баршаңызды Халықаралық әйелдер күнімен шын жүректен құттықтаймыз. Сіздерге мықты денсаулық, сарқылмас бақыт, қуаныш пен сүйіспеншілік тілейміз. Жаныңызға жақын жандардың күлкісі әрдайым жүрегіңізді жылытып, көздеріңізден көрініп тұрсын.
