1 қыркүйек-Білім күніне арналған «Мектебім-мейірім мекені» атты салтанатты шара мектебімізде ерекше көңіл-күймен өтті. Бұл күн-барша ұстаздар, оқушылар және ата-аналар үшін жаңа оқу жылының басталуын білдіретін ең қуанышты әрі маңызды мереке.
Салтанатты жиында мектеп директоры жылы лебізін білдіріп, барша ұстаздар мен оқушыларды жаңа оқу жылымен құттықтады. 2024-2025 оқу жылында 92 оқушы алғаш рет мектеп табалдырығын аттап, білім әлеміне қадам басты. Бүлдіршіндердің бал-бұл жанған жүздері мен қуанышты сәттері көрермен жүрегін елжіретті.
Іс-шара барысында «Мектебім, менің мектебім!» атты бейнеролик көрсетіліп, қатысушылар мектеп өмірінің мәні мен маңызын сезінді. Сонымен қатар, мерекелік бағдарламада оқушылар мен ұстаздар өлең жолдарын оқып, ән шырқап, көтеріңкі көңіл-күй сыйлады.
Мектеп ұжымы үшін бұл күн жаңа жетістіктер мен табыстарға бастайтын алғашқы қадам болды. Білім күні-еліміздің болашағына жол ашатын, ізгілік пен мейірімге толы мереке болып есте қалды.
