Мектебімізде «Ашық есік күні» өтті

16 қазан күні мектебімізде дәстүрлі «Ашық есік күні» өткізілді. Іс-шараның мақсаты-ата-аналар мен мектеп арасындағы байланыс пен ынтымақтастықты нығайту, сондай-ақ білім алушылардың оқу жетістіктері мен тәртібі туралы нақты ақпарат беру болды.Күн барысында сынып жетекшілері мен пән мұғалімдері ата-аналарға оқушылардың тоқсандық бақылауға дейінгі оқу үлгерімі, сабаққа қатысуы және мінез-құлық мәдениеті жөнінде мәлімет берді. Сонымен қатар, әр ата-ана өз баласының оқу жетістіктерімен танысып, туындаған сұрақтарына жауап алды.Іс-шара ашық пікір алмасу түрінде өтті. Ата-аналар мұғалімдермен жеке сөйлесіп, балаларының оқу процесін жақсартуға бағытталған ұсыныстарын ортаға салды.«Ашық есік күні» мектеп пен ата-ана арасындағы өзара сенімді қарым-қатынасты нығайтып, бірлескен тәрбиелік жұмыстың тиімділігін арттыруға үлес қосты.