Көктемнің шуақты шаттығын сүйіншілеп, бірлік пен берекені ұлықтайтын Ұлыстың ұлы күні Наурыз мерекесі мектебімізде биыл 10 күн бойы кең көлемде аталып өтті. Әр күннің өз тақырыбы, өз мәні болды. Оқушылар мен ұстаздар ұлттық салт-дәстүрді дәріптеп, қазақ халқының мәдени мұрасын танытатын түрлі іс-шараларға белсенді қатысты.
Мерекелік онкүндік Наурыздың бастауы саналатын «Амал» күнінен басталып, ізгі тілектер мен игі ниеттерге толы шаралармен жалғасты. Оқушыларға ұлттық ойындарды таныстыру, салт-дәстүр сабақтары, арнаулы көрмелер, шығармашылық байқаулар және ұлттық тағамдар жәрмеңкесі ұйымдастырылды.
Әсіресе «Ұлттық киім күні», «Шебер қолдар жәрмеңкесі», «Бата күні» және «Дәстүрлі өнер» бағдарламалары ерекше қызығушылық тудырды. Мектептің акт залында өткен концерттік кештерде оқушылар күй шертіп, ұлттық билер билеп, Наурыздың тарихы мен маңызын сахналық қойылым арқылы көрсетті.
Онкүндіктің соңғы күні Наурыз мерекесінің басты белгілерінің бірі – Наурыз көже таратылды. Ұжым мен оқушылар ортақ дастархан басында бас қосып, жылға молшылық пен береке тілесті.
Мектеп әкімшілігі Наурыз онкүндігіне атсалысқан ұстаздар мен оқушыларға алғысын білдіріп, бұл шара қазақ мәдениетін тереңірек тануға, бірлік пен мейірімділікті күшейтуге ықпал еткенін атап өтті.
Толық ақпарат мектептің ресми парақшасында жарияланды:
https://www.instagram.com/p/DHNtK1NMpnf/
https://www.instagram.com/p/DHN0WOQsq2S/
https://www.instagram.com/p/DHTfLARMGR2/
https://www.instagram.com/p/DHU4OHZI5-u/
https://www.instagram.com/p/DHVDTljI4id/
https://www.instagram.com/p/DHVEG2cM1fF/
