Наурыз-көктем мен жаңарудың, ізгілік пен мейірімнің мерекесі. Осы орайда №15 жалпы білім беретін мектепте 14 наурыз бен 23 наурыз аралығында Наурыз мерекесіне арналған онкүндік іс-шаралар өтті.
Онкүндік барысында әр күннің өзіне тән тақырыбы мен мазмұны болды.
14 наурыз – Көрісу күні, яғни Амал мерекесі ретінде қарсы алынып, оқушылар мен ұстаздар бір-біріне ізгі тілектерін арнады.
15 наурыз – Қайырымдылық күні, бұл күні мейірімділік пен игі істерге бағытталған шаралар өтті.
16 наурыз – Мәдениет және ұлттық салт-дәстүр күні, мектепте ұлттық өнер мен мәдени құндылықтар насихатталды.
17 наурыз – Шаңырақ күні, отбасылық құндылықтар дәріптеліп, өнегелі отбасылар үлгі ретінде ұсынылды.
18 наурыз – Ұлттық киімдер күні, оқушылар мен ұстаздар қазақтың дәстүрлі киімдерін киіп, сәндік көрме ұйымдастырды.
19 наурыз – Жаңару күні, көктемнің басталуымен бірге мектеп ауласында ағаш отырғызу акциясы өтті.
20 наурыз – Ұлттық спорт күні, ұлттық ойындардан жарыстар ұйымдастырылды.
21 наурыз – Ынтымақ күні, бұл күні бірлік пен татулықты дәріптейтін көріністер мен концерттік бағдарлама өтті.
22 наурыз – Жыл басы, Наурыз мейрамының ең басты күні ретінде кең көлемде аталып өтті.
23 наурыз – Тазару күні, экологиялық акция ұйымдастырылып, мектеп аумағы тазартылды.
Мектебімізде өткен Наурыз мерекесі онкүндігі мазмұнды іс-шараларға толы болды. Әр күн оқушылар мен ұстаздарға көтеріңкі көңіл күй сыйлап, ұлттық құндылықтарды жаңғыртудың тамаша үлгісіне айналды.
Онкүндік аясында өткен іс-шаралар туралы толығырақ төменде берілген сілтемелер арқылы таныса аласыздар.
