2024 жылғы 6 қараша күні Қостанай қаласы білім бөлімінің ұйымдастыруымен мектебіміздің жоғары сынып оқушыларына Қазақстан Республикасының Ұлттық қауіпсіздік комитеті Шекара қызметінің (ҚР ҰҚК ШҚ) Қостанай облысы бөлімшесіне танымдық экскурсия ұйымдастырылды.Іс-шараның басты мақсаты-оқушыларға кәсіптік бағыт-бағдар беру, ел қауіпсіздігін қамтамасыз ететін маңызды салалардың бірімен жақынырақ таныстыру болды.Экскурсия барысында оқушылар шекара қызметінің құрылымы, міндеттері және қызметкерлердің күнделікті жұмысы туралы кең мағлұмат алды. Сондай-ақ, арнайы техникалық құрал-жабдықтар мен қызмет барысында қолданылатын заманауи технологиялар көрсетілді.Кездесу оқушылардың патриоттық сезімін оятып, Отан қорғаушы мамандығына қызығушылығын арттырды. Осындай кәсіби бағыттағы экскурсиялар жастардың болашақ мамандығын саналы түрде таңдауға және ел алдындағы жауапкершілікті түсінуге зор мүмкіндік береді.
